ابناء كفر الشيخ

احدث البرامج و الافلام و الموضوغات العامه-

يتم عمل الاعلانات المجانيه لابناء كفرالشيخ فقط
اهلا وسهلا بكم وبرجو ان تسعوا معنا في منتداكم منتدي ابناء كفر الشيخ

المواضيع الأخيرة

التبادل الاعلاني

احداث منتدى مجاني

    قلوب رقيقة

    شاطر
    avatar
    اشرف كمال

    عدد المساهمات : 313
    نقاط : 685
    السٌّمعَة : 0
    تاريخ التسجيل : 02/09/2010

    قلوب رقيقة

    مُساهمة من طرف اشرف كمال في الخميس سبتمبر 02, 2010 9:52 am

    يوووووه ما احر اليوم هذا وانا للحين ما طلعت برى ,,, اووووووه خل اتروش قبل يفزعني ابوي ,,,,

    خذت الجازي جوالها تبي تتأكد من الساعه ,, شافت مسج من صديقتها عاليه تأكد عليها انها بتشوفها اليوم في المعهد

    دخلت اخذ شاور وانا في بالي الف فكره وفكره ,, وشلون اقدر اساعد ابوي ,, امممم يالله عساها خيره ان شالله ,, الله يعطيني على قد نيتي

    اااااه يبا ودي اخفف عنك الهم اللي شايله لحالك لو اني ولد الحين كاااااان
    علوووم ,,, يالله ربي مو قاسم يكون بكرك ولد والله البنات وش ملحهم

    لبست الجازي على طول ,, كم لبسه عندها اصلا مافي مجال تتعب في الاختيار كبتها ما فيه كله على بعضه الا كم تنوره تنعد على الاصابع

    ابوها موظف عادي والمسئولية مره كبيره عليه ,,, احلى شي في ابوها انه ما
    يحب يحسون انهم اقل من احد ويجيب لهم اشيائهم على قد الامكانيات المتاحه
    لكن بالدور طبعا ,, الشهر الواحد يحاول يقتطع منه مبلغ بسيط ويختارون واحد
    من العيله ويعطيه اياه الشهر اللي راح كان من حظ اختي المها ,, في ثالث
    متوسط ,,

    لبست تنوره بيج ومعاها بلوزه قطن ابيض ’’ مو راكبه ذاك الزود بس هذا اللي
    عندي الحين اوكي ,, الحمدلله ما راح افصخ عبايتي ,, هذا احلى شي في المعهد

    توني سجلت فيه اول الاسبوع بعد الحاح على ابوي اني اتعلم برامج الكومبيوتر
    اللي احس اني فيه ميح مررررره ,, ابي وظيفه بسرعه في اي قطاع المهم يكون
    عندي خبرة ادخل البيانات ومدري بعد وش يبون بس هذا كلام عاليه لي ,,,

    مهما تفوقت في الجامعه مدري متى بيجيني الدور عشان اتوظف ,, لكن يالله ,,كلها سنه وترم واخلص جامعتي ,, يالله توفقني يا ربي ,,,

    سرحت في شكلي وما ووعيت الا على صوت المها :::: جاااااااااااااازي ,, جزووووووي

    فتحت باب غرفتنا الي في اخر الممر وصحت بأعلى صوتي : جاااايه يالله دقايق ,,,

    لبست عبايتي وخذيت شنطتي ,, من زينها بس فيها دفتر وكم قلم,,

    دخلت المقلط لقيت ابوي فديته جالس يتريق هو وامي حبيبتي ,, ومهوي اختي تكمل حل الواجب ,,

    الجازي : انتي ليه ماتتركين ذا الطبع لمتى كذا كل مره فيه واجب ناسيته ,,,

    مهوي مو في حالي قاعده تحل .. شكلها مررره محتاسه ,, خذيت خبزه مسويتها لي
    امي وقعدت اكلها واناظر في دفتر مهوي اموووت في الرياضيات ياناس ,, عطيتها
    كذا شيفره تحل عشان ما نتأخر ابوي يطالع ساعته ,, يالله يا بنات وين اخوكم
    ,,,

    في نفس اللحظه دخل حمود اخوي الصغير في سادس ,, اتمنى بس كذا اشوفه ما يدخل من الباب من طوله فديته فيه مواري طوووول

    مسكت وجهه وحبيته بقوه في خده مثل كل يووووم : فديت وجهك يا حبيبي ,,

    حمود تعود على حركاتي كل ما حبيته طلعت صوت في خده شكله ينقرف مني اول بس الحين الظاهر انها صارت سمفونيه رووووعه

    ابومحمد : يالله يا بنات سموا بالله نبي نمشي الطرق بتصير زحمه ,,

    ودعتنا امي فديتها عند الباب وطلعنا للسياره ,,,

    حر وحنا بأول النهار اللي يعين اوسطه وش بيصير ,, وصلنا مدرسة محمد ,, وقريب عليها مدرسة مهوي ,,

    احب اركب مع ابوي قدام دام حمودي صغير ,,اسولف عليه واوسع صدره بخبالي ,,
    مع الناس شكل ثاني لكن مع اهلي ابد مافيه كنترول حتى ان امي دااايم تقول
    يالله سكنهم في مساكنهم ,, بس ابوي فديته دايم يرد عليها خليها على كيفها
    ,,,, فديته يا نااااس ,,,,



    نزلت في المعهد وانا اقرا دعاء الدخول ,, الله ييسر لي يارب,,,,,,,,,





    صلت عاليه الفجر وما جاها نووووم ابد احيانا تجيها حالات كذا ,, هي منظمه
    لابعد درجه ,, رتبت غرفتها احلى شي ان مافيه جامعه اجازززه ونااسه المهم
    نطلع من البيت شوي مع اني عارفه ان ماجد اخوي ماله في طلعات البنات بس
    يالله بقنعه يوديني الليله للجازي ,,

    صديقات المدرسه واجد بس محد صمل معي الا جزوي حبيبتي ,, صابره علي وعلى
    تقلب نفسيتي الزفت احيانا اقعد ما اكلمها كم يوم ومع ذلك اول ما اسمع صوتها
    احس اني سمعته من خمس دقايق معي على الخط على طول ,,,,,

    صحيح وضع ابوي احسن بكثير من وضع ابو الجازي بس اصريت على جزوي ان جنا
    نستغل الصيف ونشتغل في اي مكان مؤسسه والا شركه تقبل بنا في الاستقبال ولا
    اي شي المهم الجازي تساعد ابوها من كثر مهي شايله هم ذا الابو دخلت معها
    المعهد عشان نتخصص في شي عشان نقدر نشتغل ولو مؤقت الله بيسر ربي ان شالله
    بيحلها من توكل على الله ما ضيعه ,,,

    سمعت طق خفيف على الباب : ادخل ::

    دخل ماجد وهو لابس رياضه متعود كل يوم الفجر بعد الصلاه يطلع جري في حينا
    يحب الرياضه مرررره ,, ماجد شاب صحيح تعدى الثلاثين بكم شهر بس اللي يشوفه
    يقول اكبر بشوي مدري ليه يمكن من الطول على الجسم الرياضي شعره اسود وطويل
    شوي وعيونه كبار شوي اممم ابيض مني بصراحه احلى مني مع اني بنت ,, اممم له
    سكسوكه كيووت شفايفه ورديه احلى شي فيه ما يحب التدخين مررره ,, يا حظ اللي
    بتاخذ اخوي ,, صحيح الله يعينها عليه شديد مررره وما يحب الطلعات والدخلات
    بس كلهم الرجاجيل اذا تزوجوا تغيروا وشلون مدري ,,,,

    ماجد : وشفيك قايمه من الصبح

    عاليه : فيه شي اسمه السلام عليكم ,, صباح الخير

    ماجد : اووو سوري السلام عليكم ,, وش فيك لايكون فيك شي تعب والا .. ماجد
    تعود على نفسيتي الخربانه وصياحي اللي يزهق بدون سبب , بس انتوا لو تدرون
    ليش بتعذروني ,, بس مو الحين بقولكم بعدين

    عاليه : لا مافيني شي بس ابي اطلب منك طلب تكفى لا تردني

    ماجد : حبيبي اخوي مجودي ودني للجازي ,,

    عاليه : احب الاذكياء مررررره

    ماجد : يالله صباح خير بفكر ,,,

    كنت دايما اتمنى ان لي اخت تشاركني غرفتي تبادلني ملابسها اخذ منها اسواره
    ولا شنطه ولا تتزوج واحضر عرسها واربي عيالها يووووه عندي احلام ورديه لكن
    ربي ماكتب لي الا ماجد ومشاري فديته متزوج بنت خالتي نوف يموتون على بعض من
    هم صغار وما قدر يصبر لين يتزوج ماجد واصر على اهلي يزوجونه ,,

    واخوي سعود اصغر مني بسنتين في اولى جامعه ,,,







    نور على طاولة الطعام تتفطر ومخها شغال في مغامره جديده تسويها بس ياليت
    ابوي يقتنع بجرب هو ما يرفض لي طلب ابد ,, باقي على سفرة الصيف شهر ونص
    وانا لسى مخلصه امتحانات الجامعه امس ,, مشكلة امي ما تحب تسافر برى الا مع
    ابوي ومستحيل تعتب برى الرياض لحد ما ياخذ ابوي اجازته ,, ابوي جراح عظام
    مشهور على مستوى الدول واشتغل في مستشفى عالمي عشان يكسب خبرته اكثر قبل
    يرجع ويستقر في الرياض وانا في اولى جامعه ,, حياتي من اول وانا اتنقل من
    بلد الى بلد مع ابوي وامي واخوي نايف اكبر مني

    واختي الجوري في الثانويه العامه ,, لكن اخوي الكبير نواف قصته قصه ,, احسه مكتئب من الحريم بعد اللي صار ومستحيل يتغير مره

    بعد ما خلص الجامعه برى رجع الرياض واستقر فيها وقعد يدير شركات ابوي
    بالنيابه عنه ومعه عماني اثنين ,, في وحده من سفراته في الصيف تعرف على بنت
    من عايله لها وزنها في البلد وطار فيها واصر انه يتزوجها لكن بعد 3 سنوات
    زواج وولد اسمه فيصل اكتشف زوجته بالجرم المشهود مع صديق لهم وهم مسافرين
    في الصيف ومن بعدها طلقها وربى ولده وعاف كل الحريم اتذكر امي مره تبي
    تطلعه من حالته خصوصا انه صار عمره 33 وولده في الصف الاول لكنه كل مره
    يقول الحريم يستاهلون اللي يدعسهم بذا النعال

    ووول يا كافي ,, غير مررره عن ابوي فديته متحرر وفاهم ويراعي المرأه لكن اخوي نواف ,, اووووف لا يسمعني بس ,,,

    دخلت علي وانا في دوامتي ماما عتيقه حرمه كبيره اكبر من ابوي حتى على عهد
    جدي وهي معنا وهي اللي ربتنا اول وبعد ما استقر اخوي نواف بالرياض قعدت معه
    وربت فيصل ,, حبيبه وعسل وعندها سوالف تجنن بس مدري ليه احس بينها وبين
    نواف كلام مشفر مصيري ادري به اكيد بتعلمني ,,,

    سمعت عن المعهد اللي توهم مفتتحينه حبيت اسجل فيه بشوف اتعلم شي دورات
    كومبيوتر مع اني حافظته زين بس يالله حلوو الواحد يختلط مع الناس شوي كم
    مره اقنعت ابوي اني اشتغل بس شهر نرس في المستشفى واقوله عن موظفينهم خخخخ
    يمكن يروحون في داهيه اذا علمت عليهم ,, لا لا ما اعلم بس ودي مغامره جديده
    ,, حنا راجعين للرياض وانا اولى جامعه والحين صرت في السنه النهائية باقي
    لي ترم واحد بس بعد الصيف ,,



    جتني ماما وهي متأنقة كعادتها ,, قمت اصبح عليها وابوس راسها حسيتها سهرانه ,,

    نور : شفيك مامي مو كويسه اليوم فيه شي ,,

    ام نواف : الا كويسه بس بابا نادوه المستشفى الفجر جتهم حالة طارئه وما
    قدرت انام الا لما تاكدت ان كل شي سليم بس يا دوبي ساعه ورجعت صحيت احس
    نومي مخربط هالايام ,, احلى شي في امي صوتها لها بحه وكلامها هادي جدا تحس
    بالثقافه تطلع من حكيها اقصد ثقافة الكلام ,,,

    حاولت اقلد حكيها وتضحك علي داااايم دخل علينا نواف وقمت له شكله غصب يخليك
    تجيك نفاضه خخ مع انه اخوي بس مدري تعودت عليه كذا اما عااااد لو يدري وش
    في مخي كان ذبحني ,,, لكن ما يهم اذا بابا موافق خلاص ,,,

    دخل وراه فصولي على طول : وصحت بصوت حلووو : فصولي اليوم انتهت الامتحانات وين تبي اوديك ,, عمتك سنعه تعجبك

    قعد فصول شوي مكتئب : ما ابي اروح مكان ابي اخو تقدرين تجيبن لي اخو ,,, طالعه نواف بنص عين : فيصل تريق وانت ساكت ,,

    اقولكم اخوي عليه حركات ,,,,,,





    فهده وهي تحاول تاكل بسرعه تبي تلحق على المعهد قبل الزحمه ,, حطت لها شاي في المق حقها وخذته معها للسياره ,,,,

    كانت شغالتها تنتظرها جوووه ,, طلع بها السواق وهو يشغل لها السي دي ,, كل
    كم يوم تعلق على سي دي ,, مرات قرآن مرات شعر مرات طرب على حسب ,, وحيدة
    امها وابوها والبنت المدللـه ووريثة الملايين بعد عمر طويل ,, ماهمتها
    الفلوس لو فيه بس اشقاء لها كان يا حظها بس لكن ابوها من حرصه الزايد عليها
    حاول يعزلها الا من القريبين فقط وما يحب كثرة الصديقات وحده ثنتين
    بالكثير توها سنه اولى جامعه وخايف عليها من صديقات السؤ ولا احد يطمع فيها
    ,, سمح لها تدخل المعهد عشان تقضي وقتها في شي مفيد بدال النوم على الفاضي
    ,,,توفت امها من سنتين بعد معاناه من مرض القلب ,, وتحمد ربها دايم ان
    امها ما تعذبت اخر حياتها جتها نوبة قلبية مفاجئة وتركت فهده وحيده

    تذكرت فهده زميلات الكرسي في المعهد عاليه والجازي شكلهم صديقات من زمان
    واضح من طريقتهم مع بعض ,, تمنت فهده انها تدخل معهم في دائرتهم بس هي
    برستيج مرره وما تحب تكون فضوليه على الناس ,,,,







    الحين يا حبايبي ودي اوصف لكم ابطال قصتي الجديده اللي بنعيش معهم حياتهم وندخل عالم جديد وبنفتح ابواب مسكره ,,



    الجازي : طويله جسمها خيال ماخذه التقاطيع من جدتها الله يرحمها شعرها اسود فاحم بيضاء وعيونها لوزيه مع رموش طويله

    فمها صغير لكنه مليان شوي



    عاليه : اقصر من الجازي بشوي دايما تلبس كعب عشان تجي طول جازي ومع ذلك
    تصير اقصر شويه شعرها كثيف مدرج دايم تصبغه وتحورف فيه جسمها مليان شوي
    لونها ابيض اللي يرد صفار شوي مو مثل اخوها ماجد ابيض حيل على امه اماهي
    على ابوها مررره



    نور : طويله نفس الجازي يمكن اطول حبه شي بسيط لونها حلوووو بياض اهل
    الرياض الأصلي خخخخ جسمها متناسق لكنها نحيفه شوي يبي لها زيادة اكل وتصير
    جوناان شعرها بني غامق خلقه وعيونها بني فاتح عيونها حلوووه خشمها طويل
    ولها وجنه مثل العارضات احلى شي في المناسبات يطلع عليها المكياج رووووعه





    نواف : طويل ,, جثه جسمه رياضي شعره مبعثر عيونه حاده مثل الصقر مافي شارده
    ولا وارده الا تطيح بعينه ,, خشمه يجنن بس شفايفه داكنه من التدخين ,,
    يجذب الانتباه اذا دخل اي مكان ,, له شنب خفيف واحيانا كثيره يسوي ديرتي ,,
    له حياتين ,, حياه في قصر ابوه وحياه خارجها بنعرفها في وقته



    ماجد وصفته لكم في القصه فوق



    فهده: كيووووووت هالبنت ,, قصيره بالنسبه للطوال خخخ بس طوله معتدل 158 ,,
    شعرها اسود لحد نص الظهر عيونها صغيره شوي بس فيه نظره سحريه وخصوصا اذا
    كثفت الماسكارا فيها

    بياضها حلووو جسمها مع انه متناسق بس مليان وتحاول تنحف حالها بالريجيم تبي تنقص خمسه كيلو وبس ,,,
    avatar
    اشرف كمال

    عدد المساهمات : 313
    نقاط : 685
    السٌّمعَة : 0
    تاريخ التسجيل : 02/09/2010

    رد: قلوب رقيقة

    مُساهمة من طرف اشرف كمال في الخميس سبتمبر 02, 2010 9:54 am

    ((الجزء الأول ))


    دخلت المعهد وانااحس ان طرحتي لاصقه في رقبتي عندي عقده من الحر ,,اول ما
    يبتدي الصيف على طول يحمر وجهي ,, لازم احط واقي من الشمس ,, بس مو مره في
    العنايه يمكن عشان ما احتاج ذاك الزود وبشرتي روعه ,, اول ما جيت استراحه
    الطلاب لقيت عاليه تنتظرني على نار ,,

    عاليه : وشفيك ابطيتي ,,

    الجازي : ماشي مرينا مدارس اخواني ,,

    عاليه : ليه ما خلصوا للحين ,

    الجازي : باقي اسبوعين في النهايه هما ,, والله لو مدرسه خاصه ابرك لهم لكن يالله محدش غلب,,,

    كملت مع عاليه سالوفتنا الا تجي بنت شكلها فري شوي طرحتها على شعرها
    ومنزلتها شوي ,, حلوووه شكلها زي العارضات,, باين من لبسها انها بنت عز,,

    كان فيه زحمه عند الاستقبال وشوي الا تجي يمي ,,,

    نور : صباح الخير

    الجازي : صباح النور هلا

    نور : ممكن خدمه

    الجازي : تفضلي ,,

    نور كويس المعهد هذا والا ,,

    الجازي : اشوفه زين مالي الا اسبوع بس بس والله الطاقم جيد ويفهمون زين ,, انتي جديده طبعا

    نور : تقدرين تقولين ,,

    دخلت قلبي بسرعه مع ان حنا ما تبادلنا الا كم كلمه ,, استئذنت منها وطلعت مع عاليه للكلاس حقنا ,,

    بعد ربع ساعه دخلت علينا نفس البنت في الكلاس وعرفتنا على حالها,, انا نور
    وبدورنا كل وحده قالت لها اسمها ,, لما جاء دوري قلت لها انا الجازي ,,
    مسكت يدي وضغطت عليها بقوه وقعدت في جنبي بينا كرسي بس ,, مدري ليه حسيت
    انها تبي تتعرف علي ,, احساسي يقول كذا ,, عاليه تنظر لي بنص عين وتطالع في
    البنت ,, سوت حركه ما عجبتني زمت شفايفها شوي ,, يووو كلو ولازعلك عاليه
    ,,

    اول ما انتهت الحصه الاولى يكون فيه بريك وندخل ثاني للحصه الثانيه طلعنا للاستراحه ,,

    ما شفت الا نور تجي ناحيتنا وتكلمني انا وعاليه : هلووو شخباركم بنات ,,

    الجازي : هلا بك عادي والله لا جديد

    نور : اكيد ما عندكم مانع اجي معكم اتمشى ,,,

    انا ضحكت من كل قلبي لها : حلوووه تفرض نفسها بذوووق : اكيد ما عندنا مانع

    بس لاحظت عاليه مو مستلطفتها مره ,, عاليه كذا اصلا مزاجيه ونفسيتها متقلبه ,,,,

    تمشينا في البريك وخذنا خفايف مع عصير ,, لاحظت على نور انها ذووق وراقيه
    ,, اكيد حياتها خلتها توصل للمستوى ذا ,, طالعت في يدها شكلها ما تغسل
    مواعين ,, ضحكت على الفكره ,, طالعت في يدي ,, حسيتها ناشفه شوي من الماي
    مع ان شكلها حلووو بس برضو

    سولفنا وحاولت ادخل عاليه في الجو ما ابيها تكون سلبيه ,,,في خلال اسبوع
    كامل قوت علاقتنا بنور بشكل ما صدقته الظاهر مالها صديقات يمكن بس انا
    اعتقد انها تدخل مع الناس بسهوله وتكيف نفسها بأي وضع تشوفه يناسبها ,,,

    ,,,,,,,,,,,,



    رجعت من المعهد وانا احس اني رايقه مره من الوضع ,,, جازي كيوووت وروحها
    عجيبه تخليك تحبها بسهوله ,, جذبتني بأسلوبها ,, احيانا ودي اسمعها ,, بس
    ما اشوفها ,, لان طريقة كلامها مميزة ,, غربيه ,, وش فيها اممم اي فيه رنة
    دلع موسيقيه حلوووه وبس ,, واذا شفتها بهت عيونها تشدك ما شالله جميله الله
    يحفظها ,, مدري ليه تخيلت لو تكون زوجة نواف ,, يوووه لايقين في الشكل ,,
    لكن لا مستحيل تاخذ نواف هذا بيخلي حياتها جحيم صحيح هي مستواها الاجتماعي
    عادي يمكن حتى امي ما توافق ,, بس لا حرام وحده بهالروح الحلووه تدفن عمرها
    بالحيا مع اخوي ,, والله اني وش زيني محايده,, لو يدري نواف كان علوووم
    صدق ,,,,,

    انا وش فيني نسيت ابي اكلم ابوي في موضوع كم مره يتأجل ,, دخلت لقيت ابوي يقرا الجريده شكله مروووق ,,

    حبيت يده وانا ودي اضمه من زمان ما قعد في البيت ,,,

    هلا وغلا بالغالين

    ابو نواف : انتي يالمفعوصه وينك فيه

    نور : خلاص تبي تشوفني طلبتك وافق ,,

    ابو نواف : اول اشوف بس اذا عن المستشفى لا سكري على الموضوع

    نور : يبه طلبتك هم وش عرفهم اني بنتك ,, بعدين هو الموضوع كله مغامره بدوام في الطواري ,,

    اخر النهار طيب ,, انا ودي اساهم بشي ,, اعيش احداث ,, بعدين هي كلها ضغط
    وسكر واعرف لها ,, وبيعلموني الممرضات على الشغل ,, اهم شي انت ترضى

    ابو نواف : اممممم مدري ودي تجربين بس مو حلوه بعد

    نور : يبا هم ماراح يعرفون اني بنتك ما راح اقرب منك ولا شي ,,تكفى يبا ,,

    ابو نواف : اااخ منك انتي بس شوفي كلها كم يوم بس فاهمه ,,

    نور : اممممم فديتك يا اغلى البشر ,,,

    طلعت نور فوق وهي مبسوطه مررره صدمت في نواف اللي طالع من جناحه ,,

    هلا بأخوي الغالي ,,

    نواف : لا شكلك مبسووطه حيييل ,, وش السالفه

    نور : سلامتك بس قلت لابوي يسفرنا بدري شوي ووافق

    نواف : اهااااا كذا ,, وين تبين هالسنه

    نور : وين بعد وهل يخفى القمر جونيييف

    نواف : مازهقتي منها جنييف حلوه بس في الربيع والا الصيف كلها عالم خليجيين

    نور : سوو وات اهم شي ننبسط بعدين لا تنسى فيلتنا هناك ,,

    نواف : كيفكم يالله باي

    طلعت وانا حاس اني مخنووق مرره ركبت سيارتي البي ام سمووك سلفر وحركت على
    الشله ,, زهقت منهم ومن تجمعهم بس هو مصدر وناسه لي احيانا ,,

    سعد موفر لي كل حاجه المهم ننبسط ونغير جووو ,, مدري وشلون دخلته هالجووو
    عمري ما كنت كذا بس الله يأخذ الحريم هم سبة كل دمار وين بيجي الخير من
    وراهم

    تذكرت امي ونور هم حريم طيب وش فرقهم وامي عتيقه ,, لا لا هم غير عن الحريم ,, ما اقول الا الله يلعن الحريم ,, ((اعوذ بالله ))

    طلعت من دوامتي الا انا في الفيلا حقت سعد ,, اشترى الفيلا ذي في حي منعزل شوي دخلت الا سعد يشوف التلفزيون واللاب توب عنده ,,

    سعد : شفيك تأخرت

    نواف : ماشي بس قضيت لي شغل قبل اجيك وش الاخبار جوو الشباب ,,

    سعد : مو كلهم بعضهم في الطريق بس ترى البنات جوووه ,, حبيبتك وصلت

    نواف :حبها برص ,, لا تقول حبيبتي ثاني ذي بس متعه وارميها ,, من غبائها اصلا والا حد يجي للموت برجليه

    سعد: نواف خلك من الخرابيط ,, احنا ما جينا هنا الا نبي ننبسط ونغير جووو محد غصبك ,, فرجاء لا تخربها

    نواف وهو يقوم : لو ابي اخربها كان من زمااان خاربه الدعوى وصديت عنه ورحت
    لغرفتي اكيد قاعده تنتظرني داخل ,, ارسلت لي على جوالي الرديف تقول انها
    وصلت ,, اذا دخلت الفيلا حولت جوالي على الرديف وتركته في السياره ,, ما
    ابي ييتجرون ويشوفون الصور مهو الواحد احيانا يفقد السيطره على نفسه

    دخلت الا الغرفه كلها شموع وحركات تقول ليلة عرس صدق ,, عبير واقفه بنص
    الغرفه عند التسريحه ولابسه قميص نوم يكشف اكثر مما يستر اول ما شافتني
    التفتت لي وجرت وهي ترمي نفسها علي ,, يووو عاد ما احب الحركات المتصنعه ذي
    ,,

    عبير : حبيبي ما بغيت تجي مشتاااقه لك

    نواف : وانا اكثر با حبي ,, وتركت لرغبة الجسد انها تدير اللقاء بينا ,,,





    عاليه قاعده تكلم الجازي صار لهم ساعه وهما في التليفون : والله يا جزووي
    وش اقولك شكلها حليووووه بس انا ما ابي نزيد صداقتنا مع اي احد ,, انتي
    تعرفين ماجد سين وجيم وبنت من وخالها من وين تدرس ومن جيرانهم تصدقين اخوي
    ذا يصلح يشتغل في السي اي ايه

    جااازي : ول عليه ذابح نفسه يختي المفروض ينظر للدنيا بوجه حسن ,, كني قاعده اقول حكم

    عاليه : مدري والله وشقولك لكن اتركيها للايام ما تدرين يمكن نور بنفسها تسيبنا اذا خلصنا المعهد

    الجازي : ما اظن انتي ما تشوفين شلون متعلقه بنا تقولين تتركنا

    عاليه : قصدك يا عمري متعلقه بك انتي اكثر : ما تشوفينها كيف تطالعك تقولين بتخطبك تتفحصك من فوق لين تحت

    الجازي : عااد بلا مبالغات عاليه وين قاعدين ,,

    عاليه : يو يو يو ما جاك الا الصدق ,, انا صرت اشك في الموضوع

    الجازي : مدري بس اعتقد انها ارتاحت لنا هذا اللي اشوفه ,,,



    سكرت من عاليه وانا متضايقه من حكيها عن نور معقوله هي معجبه فيني ,, وش ذا
    الكلام البنت عاقله وما بدر منها اي شي ما قد حسيت انها تشوفني بنظره
    غريبه بعدين الاعجاب حق المراهقين ,, لا شكل عاليه تهلوس ,,,

    دخلت مهوي وهي حاطه جلالها على شعرها تبي تصلي ,,

    ياحليلك يا مهوي صابره عل اختك انا ومهوي نتشارك غرفة وحده حجمها وسط بس كل
    ما جيت اكلم عاليه تشيل حالها وتروح تشوف التلفزيون في الصالة بيتنا صغير
    من طابق واحد وحوشه على صغره بس تحسه نظيف وفي اطرافه على الحواف زرع بسيط
    السعاده اللي نحس بها في بيتنا يحسدوننا عليها اصحاب الملاييين اللي يفقدون
    السعاده الحقيقه ,,,

    طلعت للصاله ابي اشوف ابوي ودي اقعد معه ,, امي راحت زياره لجارتنا الوالده وما اظن تجي هالحين ,,,

    لقيت ابوي يطالع التلفزيون ,,

    الجازي : فديت الحلوين ,, طالعني ابوي بنظره حنونه وقال تعالي جنبي قمت له
    وجلست بقربه ,, مدري ليه فيه نظرة حزن تمر به بعض الاوقات ومنها النظره
    اللي اشوفها الحين

    الجازي : فيك شي يبا ,, تشكي من شي ,,

    ابو محمد : لا يابوك مافيني الا العافيه ,,

    الجازي : اجل ليه متكدر خلقك ,, لايكون صاير مشكله كذا والا كذا ترى مثل ما يقولون رقبتي سداده

    ضحك ابوي علي : تدرين يا جزوووي يعجبني فيك رووقانك وضحكك الحلوو ذا ,,
    وهذا يخلني اتطمن عليك في المستقبل انه مهما يمر بك من صعاب انتي لها

    الجازي وهي تقلد الرسوم : انا لها انا لها

    دخلت امي وهي تسمع ضحكنا

    ام محمد : ضحكوني معكم وش عندكم ,,,,,,,



    فهده وهي تشرب عصير ليمون بالنعناع باااااارد وتشوف افلام الشوتايم الاكشن
    ,, ما عجبها الفيلم فرته على روتانا طرب تبي شي يسليها يطلعها من ضيقتها
    ملل طفش وش ياربي اقعد اسوي بين اربع جدران ,, حتى صديقاتي بروحهم كلهم
    ثنتين مطنشين مدري وينهم فيه

    دقيت على ابوي ابيه يجي والا يقعد معي على الأقل نسولف في شي مفيد ,, ابوي
    ماعنده لعب مررره ,, صحيح انه ما وصل الخمسين بس مدري ليش احس الحين ان
    الناس اشكالهم مو بأعمارهم يمكن عمره كبير بس شكله ثلاثيني ابوي مو ثلاثيني
    بس تحس بروح الشباب طاغيه عليه هذا وهو يحافظ على لياقته بممارسة التمارين
    في الاسبوع مرره ,,,,,

    فهده: الووو يبا

    الوليد: هلا بك حبيبتي وش فيك عسى ماشر

    فهده: ما شر يبا بس متى تجي طفشانه

    الوليد : معليش يا قلبي عندي اجتماع وبطلع متأخر نامي لا تتنتظريني ,,

    سكرت فهد وهي تتأفئف والله بلشه ما يسوى علينا هالبزنس ما اشوف ابوي ,, بلاها فلوس تحرمني سعادتي ,,,,

    فهده حنونه وبنت احلى مافيها طهارتها ,, عكس بنات الاغنياء اللي بايعينها بقوطي روووب خخخ وجهم مافيه حيا مدري ليه,,

    رقدت فهده في سريرها وفي بالها شي واحد وبس بكره بتكلم الجازي وبتطلب صداقتها شكل هالبنت رووووعه ,,,





    دخل ماجد غرفته في المساء وهي محيوسه ,, فيه طبع مو حلوووو ما يحب حد يدخل غرفته الا اذا كان موجود ,, تجي الشغاله وترتبها

    كل ما يطلع للعمل الصباح يقفلها ويتوكل ,, كم مره تقنعه عاليه يعطيها نسخه
    لكن راسه والف سيف محد يدخلها ,, دايم تضحك عليه عاليه لايكون فيه مختبر
    نووي ولاشي ,, خايف حد يكتشفك ,, صدق انك بنت فاااضيه شكل صديقتك جزوووي
    لعبت بعقلك

    ,, صك الثلاثين وللحين مالقى البنت اللي تشاركه حياته ,, ما يبي يرتبط
    ارتباط تقليدي ,, هااا هاذي بنت بو فلان سنعه وكويسه وكل الصفات الحلوه
    فيها ,, مدري ليه مو مقتنع بهالشي ,, يمكن دراستي برى خلتني شوي فري في
    تفكيري بس مو في افعالي ,,

    ودي كذا اطيح واقف في حب بنت تأخذ قلبي وتروح به ,, بس كييييف ,, تجي اكيد يمكن بعد سنه ,, سنتين انا وش وراي ,,

    تذكرت الملف حق العمل ,, شغلي على حلاوته بس متعب ولازم تركيزي شغال اول ذا تااايم ,, في شركه كبيره في مجال الاتصالات ,,

    كم مره يقنعني الوالد ادخل شريك معهم هو وعماني لكن رفضت ,, ودي اكوون نفسي
    ,, مستعد اشتغل لهم واساعدهم بس بعد ابي شركه لحالي ,, فتحت لي مكتب
    مقاولات ناشئ في السوق واديره بعد العصر ,, بس احلامي كثيره وبحققها حبه
    حبه ,,,







    قامت جازي الصباح بدري مابقى الا هي يوصلها ابوها ,, الله يعينك يبا بس لو
    كنت اسوق كان فكيتك ,, مع اني ما احب السواقه لكن احن ابوي من نسمة الهواء

    لبست تنوره جينز مع توب سماوي يناسبه من السنه اللي راحت لكن للحين محتفظ
    برونقه لميت شعري على ورى ورفعته حطيت واقي الشمس من يوم عرفت نور وانا كل
    يوم ادهن يدي بكريم الصبح عشان تجي ناعمه ,, حلوو صح بس ودي تجي نديه ,, ما
    انام الليل الا اذا نظفت المطبخ ومسحته وخلصت الصحون ,, امي ما تحب
    الشغاله تدخل بيتنا ,, واحنا مو من كثرنا وقادرين نسيطر على الوضع ,,

    لقيت امي في الصاله تتريق مع ابوي ,, عادتهم اذا صلوا الفجر قعدت وسوت قهوه
    وانتظرت ابوي لين يجي ,,خلاص ينتهي النوم اذا قاموا عشان كذا دايم يحسون
    بنشاط عجيب ,,

    دقيت على عاليه مسج اصبح بالخير كالعاده واقولها انا طالعه المعهد,, اول ما
    دخلته فكرت انها قبلي كالعاده ما لقيتها تشوشرت عليها ذا البنت وينها فيه
    ,, وادق عليها الا صوتها يجيني بثقل

    عاليه : جزووي والله ما قدرت اقوم ,, بطني يذبحنب من الالم

    الجازي : شرفت

    عاليه : ايه ,, باااي

    من عرفت عاليه وهي كل شهر عندها ازمه عالميه الله يشفيها يا ربي ,,,

    شوي الا نور تدخل بذيك الطله الحلوه : حيا الله نواري

    نور : هلا بك اكثر يالغلا ,, كيفك ,,

    الجازي : تمام

    نور :وين عاليه شكلها مختفيه

    الجازي : تعبانه شوي الله يعنيها ,,

    نور سلاااامات لا يكون شي كايد

    الجازي : لا دلع بنات يالله مشينا للكلاس الحين بيتدي



    جات فهده ودخلت الكلاس هاديه هالبنت ولا عمرها حكت في نقاش على طول مستمعه ,, اول ما خلص الكلاس جت يمي ومدت يدها

    فهده: جازي ممكن تقبليني صديقه ,,

    الجازي : انا اتشرف بك يا عمري ,, حياك تمشي معنا ,, صحيح ما قد سولفت معها
    بس شكل البنت متربيه حيييل ولسانها نظيف محترمه مع المدرسات ومؤدبه مع
    الطالبات ودايم تقعد البريك لحالها ,, انا خاطري اعرف ليش ما بادرتها بذا
    الخطوه صحيح احسن مني فهده فيها الخير ,,,,



    قضينا ذاك اليوم وحنا سوالف وضحك ودخلت فهده معنا بسرعه كانت بس تبي خيط
    تتشبث فيه حزنتي قالت لي عن امها وانها وحيده ابوها تبادلنا ارقام الجوالات
    فقامت نور وعزمتنا على بيتهم اخر الاسبوع ,, احتست هنا وش ارد ,, انا ابي
    عاليه تجي وعارفه اخوها ذا ما راح يخليها تروح الا بعد طلعة الروح فحاولت
    انا استدرجهم احسن بدون ما تحس نور

    الجازي : لا لا ما يصير حالفه انه عندي وباسلوب ضحك

    نور : ما يصير انا قلت قبلك عاد جزوووي لاتسوين لي فيها بطله

    الجازي : لا وربي ودي اعرفك على امي بتموت عليكم ,, يالله عاااد قولوا زين

    فهده : خلاص يا نور المره ذي عند جازي الدور الجاي عليك وانا احجز كرسي عقبك اتفقنا

    كلنا بصوت واحد : اوكي,,,,





    رجعت البيت وانا مبسوطه اول اجازه احس اني استثمرتها زين ,, سجلت في المعهد
    وتعرفت على جازي والبنات وابوي وافق ادوام في المستشفى هالاسبوع ياااااي
    بس ان شالله ما يكتشف نوااف شي ,,,



    دخلت اخذ شاور من الحر اللي شفته ,, واول ما طلعت البس ملابسي الا اشوف الجوال يولع ,, انا حاطه ابوي 911 اول ما شفت رقمها وعلى طول

    نور : هلا يبا فديتك

    ابو نواف : مستعده

    واقوم واقفه : اكيييييد

    ابو نواف : تعالي الساعه 3 قسم الطواري بتلاقين ممرضه في الاستقبال اسمها
    نعمه بتكون مسئوله منك هي عارفه عن وضعك واقدر ائتمنها على سرية الموضوع
    بتعلمك على الشغل بس شوفي لحد الساعه 9 وبعدين ستوب فاهمه ,,

    نور : انت اغلى واااحد في الدنيا ,, وسكرت السماعه وجري على ماما ,,



    لبست تنوره بيضاء وقميص ابيض ما استعديت للبس اكيد بحصل مقاسي عندهم ,, دخلت على الجوري وانا ارتب شنطتي ,,

    جوري : خلاص معزمه ,,

    نور : يس ,, بس مثل ما اتفقنا اذا سئل نواف قولي له في بيت عمي طااايب ,,

    جوي : اوكي سي يو ان ذيس ايفننغ

    نور : تعجبيني خلاص المساء بقولك وش صار ,,,

    طلعت مع السواق للمستشفى ,, وجيت يم الطوارئ دخلت مثل ما وصاني ابوي فديته كان في الرسيبشن شكله يبي يتطمن على الاجراءت

    لكن ما حاولت اجي يمه ابد ,, لقيت نعمه ودخلتني غرفه صغيره وعرفتني على كل
    شي روتيني ,, قالت وهي تحط على بروش مكتوب عليه متدربه,, هذا عشان ما
    تتعبين لما يشوفونك الدكاتره يراعوك شويه ,,

    نعمه: بس انا عاوزه افهم انتي ليه بتعملي كدا

    نور : امممم احب المغامره ,, كيف اوصل لك يعني كذا حاسه ان فيا طاقه عاوزه استفيد منها ,,

    نعمه : الله يحروسك دا انا الطاقه اللي فيا متوقفه من زماان بشتغل بالعزم بس دي لقمه ولازم اسعى لها

    نور : يا حياتي انتي ربي يسعدك يالله انا عاوزه اشوف الشغل

    نعمه : مستعجله كدا ليه تعالي اشربي شاي وروووقي وبعدين حن كون في الطواري





    طلع ماجد من الشغل متأخر مررره طلب من رئيس مجلس الاداره شغله مستعجله,,
    جااه اتصال بعد ما طلع من المهندس يبيه يوافيه عند الفيلا اللي في مرحلتها
    النهائيه قبل يسلمونها للمشتري حقها ,, اول ما وصل للمشروع ولف على الارض
    وشاف التصميم عجبه جدا وطلب من المصمم يجهز له تصميم مثله مع بعض التغييرات
    علشان يبني له فيلا خاصه فيه للمستقبل

    مدري ليه حسيت ان التصميم ذا دخل قلبي من زمان لكن مع الحجر والشغل الحلوو ذا ما راح اجيب احسن منه

    اشوف امي تدق علي اكيد تبي اتغدا ,,

    ماجد : هلا يمه : لا تنتظريني يا عمري وراي شغل يمكن اتأخر

    ام ماجد : الله عليك انت مب مكينه تتعب حالك ,, شوي شوي عااد

    سكرت منها وانا احاول ارضيها ولا سمعت الا دعواتها الصادقه لي لكن معد حسيت
    بنفسي لاني اول ما شغلت السياره وكلمت امي ما يمديني الف الا السياره
    بوجهي





    دخل ابو فهده عليها وهي فرحانه على غير العاده,, وعكرت عليه العلووم كلها واخبار المعهد ,, انبسط عليها وحس بفرحتها مره

    طيب يا حبيبتي ممكن تعطيني اسم ابو الجازي وابو نور وعاليه ودي اتطمن انك مع ناس كويسه

    فهده : بابا الله يخليك لا تعقد الامور هم حلويين وطيوبين تكفى طلبتك وبعزمهم بعد فتره عندي

    الوليد : عشان خاطرك بس بوافق لكن هاااا مثل ما قلت لك مافي تبادل صور ولا خرابيط ولا تكلمين عن الماديات كثيير

    فهده : يبا انت خابرني اتفشخر انا الحمدلله عار فه نعمة ربي علينا ,,,

    الوليد : انا اوصيك بس ,, وقام منها وهو في قلبه خوف على بنته من الهواء

    دخلت فهده غرفتها وهي حاسه ان اليوم غير والرياض غير ,, اخير بيصير لي صديقات غير شكل الجازي توحفه

    ياليت ابوي ياخذها وتجي تسكن معي كان الحين متقابلين ,,,,,



    قامت الجازي العصر وصلت وجت للصاله تبي تشوف امها ولقت تليفون البيت يرن ,,

    اول ما رفعت السماعه الا صوت شغاله بيت عاليه :جازي الحق بسرعه عاليه يصيح مافي ساكت اخو ماجد سوي اكسدنت

    تروعت من جد وحسيت قلبي يدف بقوه ,, ودخل ابوي وانا فيها واعلمه ياخذني لعاليه وعلى طول طلعت مو مستوعبه وش صار عليه





    نور وهي تشوف ربشة الممرضات بين ايديهم شاب والدم ملوث جسمه وفاقد الوعي ,,
    دخلوه العنايه وابتدت الاجهزه تشتغل وانا واقفه احس فيني شلل من الروعه ,,
    ما فكرت الا في ابوي اللي يواجه هالمحن كل يوم ومع ذلك يجي البيت ويدخل في
    جونا ووناستنا ولا كنه شاف مناظر مروووعه نزلت مني دمعه غصب عني وما سمعت
    الا صوت نعمه : انتي لسى في اول المشوار خلي قلبك جامد

    يووو يا نعمه انتي وين وانا وين ,, ابتدا الشغل ودخل بابا واستلم الحاله
    اسمع كلمات كثيره المقص ,, مخدر ,, ابره ,, اوكسجين وكلها بالانجلش

    شكلهم يحضرونه لغرفة العمليات هذا اللي فهمته من بابا وهو يكلم مساعده

    شكله نايم ومو حاس بشي لا يكون في غيبوبه ,, اكدت لي نعمه انهم عطوه في الاسعااف ابره تسكن الالم اكيد نومته ,,

    حسيت بقرف من الدم شكلي بهون من الشغله في المستشفى هاذي اولها ,, بس ما
    ظنيت اقدر اشوف المناظر ذي كل يوم اخرتها بيجيني اكتئاب حاد ,,

    عطونا اغراضه الشخصيه بوكه وجواله وحطوها في كيس خاص للمريض عطتني اياها
    نعمه وطلبت مني اتركها في غرفة المريض اللي بيطلع لها في العنايه خذيتها
    بعد ما دخلوه غرفة العمليات ,, مدري ليه جاني فضول اشوف بطاقته

    شفت اسمه ماجد ال

    الحاله الاجتماعيه : اعزب خذيت نفس ,, ورجعتها بسرعه ,, شي غريب اللي اسويه ما كنت ادري اني ملقوفه الا هالحين وش ذا الفضول

    رجعت للقسم ووقفت مع نعمه وهم يجهزون بعض المرضى يطلعون فوق بس قلبي وعقلي
    كان داخل في غرفة العمليات متى بس بيطلع ابوي ,, قعدت ادعي له من قلبي انه
    يقوم بالسلامه ,, تضايقت حيييل من نفسي هذا كله عطف على الناس والا وشو ,,
    الظاهر اني اكذب على حالي ,, شكل الولد ذا خذ عقلي من اول نظره ,,





    دخلت الجازي فيلا عاليه والحزن مسيطر عليهم امها وزوجه اخوها نوف ,, والجميع يصيحون بصمت كنه ميت مو مسوي حادث

    قعدت اصبرها بكلمات معتاده : خلي ايمانك بالله قوي هذا قدر وربي ان شالله بيقومه بالسلامه لا تصحيحن كذا اللي يشوفك صاير مصيبه

    عاليه : وش اكثر من كذا يا جزووي هذا بروحه مصيبه ماجد اذا راح منا بموووووت

    الجازي : تفائلي بالخير يا عمري لاتصير نظرتك كذا ان شالله بتطمنون عليه ,,
    حزنتني ام ماجد مدنقه ودموعها تطيح بثوبها شوي الا جوال نوف يرن وترفعه
    بسرعه :: الحمدلله الحمدلله لك يا ربي

    نوف : يمه هذا مشاري يبشرك طلعوا ماجد من غرفة العمليات ويقول ان شالله بخير ,,

    ام ماجد قامت وسجدت لله شكر وطلعت صدقه عن ولدها ارسلت بها نوف تقسمها على الفقراء ,,

    عاليه قامت تضم الجازي : يا وجه الخير انتي من دخلتي مع الباب والعلوم زينه

    الجازي : هذا فضل ربا العالمين يا عمري قومي غسلي وجهك يالله ,,



    في قصر ابو نواف ,, قام نواف بعد المغرب وحس جسمه مكسر ,, طلع يشرب شاي مع امه عتيقه ويسأل عن فيصل ,,

    جته امه وقام لها يسلم عليه : نواف يا عمري ابيك بموضوع

    نواف : آمريني يالغلا انا كلي لك

    ام نواف : بسوي عشاء نهاية الاسبوع وبعزم صديقاتي وبناتهم ,, ودي انك تلقي
    نظره عليهم يمكن وحده تصلح لك نخطبها ,, ما راح يحسون ابد انا عجزت من كثر
    ما اعلمك عن بنات االناس وانت ولا في بالك تتقدم لهم

    نواف : يمه زواج انا ما ابي واذا فكرت فيه بفكر فيه بطريقتي انا ,, انا
    ماهمني الا شغله وحده اجيب لفيصل اخ ولا اخت ,, بس اذا لقيت اللي بتقبل
    بشروطي خذيتها

    ام نواف : نواف بنات الناس مو لعبه انت مفكر حد بيوافق على شروطك من اللي لها مخ انها تتزوجك عشان تحمل وتتطلق بعد الولاده

    نواف : يمه الفلوس حلوووه ومغريه ,, بعدين انا مو اي وحده راح اقبل فيها حتى لو قبلت ,, خليها لظروفها ,,

    ام نواف : انت واقف على اللي صار لك : حاول تنسى

    نواف : يا ليتها بس مو ام فيصل كان ذبحتها بنفسي ,,

    دخلت عتيقه بالشاي وهي تسمع نواف الكلام العدل : اشرب الشاي يا ولدي الله
    خلق وفرق ما اقول الا روح الله يسهل عليك ويرزقك ببنت الحلال اللي تعرف
    قدرك وتصونك ,,

    ام نواف : اااامين

    نواف وانا اطالعهم : ما اظن فيه حد يستاهل اني اضحي بعمري واشاركه حياتي ,, انا كذا مبسوووط ومرووق ,,الله يخلي لي فيصل



    قمت بعد ما شربت الشاي وانا اشوف الجوري تبي ترجع وهي كانت توها بتدخل احس خواتي اذا شافوني يخافون بقووه ,,

    نواف : تعالي ياحوري

    الجوري : هلا نواف آمر

    نواف : وش بغيتي ,,

    الجوري : لا بس ابي امي عتيقه توصلني بيت عمي عشان اخذ اغراض من نجود ونجيب نور بالمره

    نواف : اهااا كذا طيب قومي يامي عتيقه معها

    ام نواف : لا ابي عتيقه في شغل خلي الشغاله تاخذك ,,

    طلع نواف وانا اخذ نفس بقوه ما بقى ,, كنت متفقه اني اجي نجود واقعد معها ساعتين بعدين اطلع للمستشفى اخذ نور ,,





    طلع ماجد لغرفة الافاقه ,, سمعت ان اخوه برى ومعاه كم واحد ,, طلعت لقسم الطواري ثاني ابي اشوف نعمه واتفق معها على كم شغله بكره

    مر الوقت بسرعه وكلمتني الجوري برى تنتظرني ,, حسيت اني سويت شي جديد علي
    اليوم ومتشوقه لبكره بس مو كله للشغل ,, فيه شي شاغلني وكل ما تذكرته دق
    قلبي بسرعه

    اول ما دخلت السياره وشفت الجوري : هاااي غيرل

    نور : هلا يا قلبي وش فيك متحمسه

    جوري :وشفيك صاخه ليكون شفتي حادث مأساوي

    نور : هو كذا شفت حادث الله يقوم صاحبه بالسلامه ,, شخبار البيت ,, عطتني
    جوري الموجز وسنتدت راسي على رجلها اول مره احس اني تعبانه ,, غمضت عيني
    لحد ما توصل السياره للقصر بس عقلي وقلبي مو نايمين يفكرون في الوجه اللي
    نايم بهدوء في العنايه,,

    معقوله ذا اللي يسمونه حب من اول نظره ,, كم مره شفت عالم وناس وشخصيات ما
    قد حد جذبني ولا فكرت فيه وشمعنى هذا ,, هذا وهو مغمى عليه ما يحس الله
    يعين لو كلمني ولا طالعني وش بيصير ,, كان اروح فيها الله يستر بس ,,



    ااول ما دخلت القصر وشفت امي قالت لي عن العزيمه نهاية الاسبوع ,,

    ام نواف : بغيت اعلمك عن العزيمه عشان يكون عندك خبر مو تقولين اخر لحظه ومدري وشو

    نور : لا ما يخالف بس يمه تكفين أجليها ابي اروح حق الجازي صديقتي في المعهد بنتجمع كلنا بنات المعهد عندها

    ام نواف : انا عزمت صديقاتي وبناتهم كان لي هدف بس شكله ما راح يتحقق ,, طيب ناديهم عشان نتعرف عليهم ,,

    نور : اوكي بحاول ,,

    دخلت غرفتي وانا تعبااانه حسيت اجهاد صحيح اللي سويته ومن قومة الصبح ,, تذكرت الجازي وفهده فقلت خلاص بكره اشوفهم واعرض عليهم,,,,



    عاليه ترتب غرفتها من قامت الظهر وطلعت لامها وتغدت على حادث ماجد توها تدخلها الحين طول الوقت وهي في قسم امها ,,

    حاست شوي فيها ورتبتها بدقه ,, خذت شاور لها وقررت بكره بعد ما تروح للمعهد وتطلع مع امها للمستشفى يزرون ماجد,,


    حطت راسها على المخده وتنهدت بقوه ,, وتذكرت مواقف ماجد معها على رغم حرصه
    عليها وشدته بعد ما تطلقت من زوجها ,, بس هي عارفه انه لمصلحتها ذا الشي ,,
    تذكرت التجربه اللي مرت فيها وما استمرت حتى اكثر من خمس شهور ,, لكن فعلا
    اللي خذته مو قد المسئوليه ,, بس ليه الوحده اذا صارت مطلقه العين عليها
    ,, قعدت عاليه تصيح شوي ,, الله يسامحك يمه ,, لو ما جبرتيني عليه كان انا
    للحين متهنيه في حياتي ,,,
    avatar
    اشرف كمال

    عدد المساهمات : 313
    نقاط : 685
    السٌّمعَة : 0
    تاريخ التسجيل : 02/09/2010

    رد: قلوب رقيقة

    مُساهمة من طرف اشرف كمال في الخميس سبتمبر 02, 2010 9:55 am

    في المعهد الصباح والشله كلهم في الكلاس الا عاليه ,, طلعوا للبريك وتجمعوا
    يسولفون شوي ,, نور وهي تسأل : جازي مو سالفه وش فيها عاليه

    الجازي : والله ما فيها شي اخو صاير عليه حادث بسيط والحمدلله ما عليه

    نور : الله يشفيه يا ربي ,,زين بغيت اقولكم وش رايكم تجون عندي يوم الخميس,,

    الجازي : لا ما يصير انا حجزتكم قبل ,, نو نو لا يعقل يا بنت العرب

    نور : اوووف يا عربي ,, لا جد جازي عشان خاطري خليها عندي احنا عندنا عشاء صقيقتات مامي وبناتهم وابي اعرفك عليهم

    الجازي : لا نواري خليها اجل مره ثاني استحي من الجمعه الكبيره

    فهده : اذا جزوي تستحي اجل وش اقول انا

    نور : بنات عاد بلا بياخه خلاص الخميس عندي وتجهزوا زين زي حفله بسيطه متأكده انهم بينهبلون عليكم

    فهده : واااااااااااو متحمسه من زمان ما طلعت لعشاء كذا

    الجازي وهي محتاره ترد بأيه او لا فيه اشياء كثيره تمنعها ,, اممم بفكر

    نور : اذا على امك انا بقنع خالتي انك تجين عاااد جزوي لا تكبرينها ,,

    الجازي : اوكي برد عليك

    نور : بتجين فاهمه وضحكنا كلنا ورجعنا للكلاس,,,



    رجعت للبيت وطول الطريق وانا اسولف مع ابوي :يبا ,, نور صديقتي اللي قلت لك عنها عزمتني انا وفهده وعاليه يوم الخميس وشرايك

    ابو محمد : انتي تبين تروحين

    الجازي : احيانا ودي اروح واحيانا لا

    ابو محمد : ليش

    الجازي : امممم اظن عشان ما تعودت اروح مجتمعات كبيره كذا مخوفني هالشي

    ابو محمد : ولا عشان ما عندك شي يناسب العشاء

    حسيت ابوي قفشني بسرعه ,, يبا ادري ما راح تقصر بس خل اشوف وش عندي

    دخلنا البيت واسمع ابوي يكلم امي عن العشاء ,, وجت مهوي لي بسرعه وهي تستفسر عن السالفه







    طلعت نور العصر للمستشفى واول ما شافت نعمه سألتها عن ماجد

    نعمه : كويس يا قلبي : بس دا محتاج علاج طبيعي بعد اسبوع لحد ما يمشي شوي ,, شكله حيطول في المستشفى

    نور : طيب متى الفحص االروتيني الجاي ,,

    نعمه : من دلوقتي ااذا عاوزه بس هو حيكون هنا يومين بعدين حيطلع فوق ,,كأن نعمه عارفه وش افكر فيه ,,

    نور : اوكي يالله خلينا نكمل شغل ,, دخلنا غرف العنايه وخذينا لهم الحراراه
    والسكر والضغط ,, واول ما وصلت غرفته ,, اشتغلت الرجفه في يدي ,, يااااي
    منك يا قلبي وش سالفتك

    دخلت انا ونعمه ,, طبعا انا في المستشفى ما اتغطى بس حجاب ,, وما اتكلم
    كثير دايم صامته في حضور المرضى فأكثرهم يحسبون اني عربيه ,, حلوو هالشي
    عجبني وسهل على الاحراجات,,,

    اول مادخلت وطاحت عيني عليه كان مسترخي على مخدته بهدوء ,, فيه نظرة حزن غريبه ,, يمكن من وضعه ,,

    نعمه : ازيك يا استاز ماجد ,,

    ماجد : ......

    استغربت منه والغريب انه ما طالعني ابد كني والطوفه واحد,, ازعجني هالشي بصراحه ,,,

    نعمه : تحس بحاجه مش كويسه

    ماجد ............

    احتريت بقوه منه وش فاكر نفسه

    فتكلمت بصوت شوي جهوري : اخ ماجد ممكن ترد علينا ,, فيك شي

    رفع نظره لي بأحتقار ,, صدمني عمري ما قد شافني احد بكذا ,, هزئت نفسي انا
    اللي خليت نفسي على طريق اللي يسوى وما يسوى والا بيت ابوي ابرك لي

    رفع ظغطي بزيااااده: حد خذ لسانك منك ترى هم حطوا لك مسمار برجلك مو بلسانك ,, مدري وش لقافتي اقوله ذا الكلام

    ماجد : اطلعي برى ولا تدخلين هنا ثاني يا قليلة الادب ,,,,اتذكر ان جهاز
    الضغط كان بيدي حسيت به طاح على الارض وصوته سوى صدى في المكان ,, طالعت
    نعمه اللي مادرت وش تقول ,,

    نور : نعمه انا انتظرك برى ,,,

    خذت نعمه الروتين اليومي وطلعت وانا كنت انتظرها في غرفة الغيار انتفض من الزعل ,, معقوله اللي امس ماخذ تفكيري وقح كذا ,,

    اعوذ بالله حسيت اني كرهته من قلب يمكن هاللحظه بالذات ,,, حسيت اني متوتره توتر غير طبيعي ,, وش فاكر نفسه يطردني من الغرفه ,,

    مستشفى ابوه يعني ,, ليته يعرف بس انا بنت مين ,, اووووووووف صحيح يجيب المرض والهم مو على شكله,,,

    اصلا انا الغلطانه اللي حكيت معه ,, المفروض اني عاملته مثل الباقين سفهته
    وبس ,, مع ان الوقت مر ذا اليوم بس فكري كله عند صاحب الغرفه 22



    رجعت هذا اليوم وانا متنرفزه حدي واكافخ بالبيان ,, مو طبعي الزعل ولا
    العصبيه وش صاير علي ,, ولا توقعت انه بيموت علي اذا فتح عيونه وصار العكس
    ,, هذا لو هو متزوج عذرته ,, عزاابي ويسوي كذا سخيف مرررره ,,



    الجازي في غرفتها مو عارفه وش تسوي في عزيمة نور دقت على عاليه تستشيرها ,,
    اول ما وصلت من المعهد الظهر ودقت على عاليه تقولها عن العزيمه رفضت عاليه
    انها تروح في الظروف ذي على الاقل لين يقوم ماجد بالسلامه

    الجازي : عاليه تكفين احس ان فيني ضيقه من العزيمه وش رايك دليني ابي اشتري فستان ناعم ابوي عطاني فلوس ,,

    عاليه : منتي صاحيه تحطين فلوسك في فستان على الفاضي ومدري يستاهلون ولا لا ,, عندي فستان حفلة نوف البسيه ,,

    الجازي : اللي يسمعك مقاستنا وحده ,,, اقولك بكره العصر اطلعي معي للسوق فيه محل في صحاري زين ,,

    عاليه : خلاص حلوو ودي اطلع من البيت زهقانه ,,





    من بكره في المعهد حسيت اني ودي اقول للجازي عن المستشفى ومغامرتي ودي افضفض ,, بس انا وعدت ابوي ما اقول لحد ابدا ,,

    كملنا سواليفنا وحسيت انه مع كل يوم اعرف جوانب شخصياتهم اكثر واكثر بس الجازي الأقرب الى نفسي مدري ليه ,,,



    لبست الجازي عبايتها ولفت طرحتاها وخذت نقابها في يدها وطلعت تنتظر ابوها
    في الصاله بينزلها عند عاليه وبيطلعون للسوق مع نوف بتاخذهم ,, اول ماجاء
    ابوي فديته مد لي فلوس ثانيه : خليها معك يابوك يمكن ما يكفون اللي معك ,,,

    الجازي : يبه فديتك يكفون وبيزيدون بعد ,,



    طلعنا لفيلا عاليه ونزلت انتظرها تحت عند امها لحد ما تجي ,, نزلت نوف
    وسلمت علي ,, كانت تلتفت كل شوي للمدخل وبعد شوي قامت وسكرت باب المجلس ,,
    ما فهمت وش فيها ,, بعد شوي مر اخو عاليه زوج نوف مشاري وصوت على امه يبي
    يسلم عليها

    اااااه عشان كذا وش تحسب اني بطالع زوجها يعني ,,مب صاحيه,,,

    نزلت عاليه بعد ما هزئتها في الجوال بطيئه ذا البنت وطلعنا للسوق وانا في بالي شي واحد القى شي مناسب وسعره زين ,,

    عاليه : جزوي وين المحل اللي تبين

    الجازي : صحاري حلوو ,, خل ندور فيه

    عاليه : شوفي انتي عليك جسم مب صاحي يعني اي شي بتلبسينه بينهبلون عليه خل
    ناخذ فستان كويس ونطلع للكوفي نتقهوى خاطري في شي يعدل مزاجي ,,,

    الجازي : اذكري الله يا بنت يصير فيني شي ,, ما سمعت الاصوت ضحكهم هي ونوف ,, ماشالله ما شالله



    نور وهي تدخل للمستشفى وتروح لنعمه : اخبارك يا نعمه واخبار مريضك اللي يسد النفس

    نعمه : كويس بس شكله فيه صدمه من الحادث دا ما بيتكلمش خالص

    نور : معكم بس والا مع اهله

    نعمه : معاي ومع الستاف بتاع العصريه ,, الصبح ما بشوفهوش

    بس اسمعي يا نور انا بنصحك ما تدخلي تاني احسن دا كل حاجه تجي منه,,

    نور : يا ساتر ,, وانا اتكلم ما شفت الا بابا ومساعده جايين صوبي ما دريت وش يبغون وقعدت اطالع نعمه اللي اختضت اول ما شافت ابوي

    ابو نواف : وين ملف المريض ماجد

    نعمه : موجود يا دكتور ,,

    ابو نواف : اوكي تعالي انتي والممرضه المتدربه ومساعد الدكتور ,,

    مشيت ورا ابوي وانا مو عارفه وش فيه ,, ما بي ادخل بس ما ابي ابوي يعرف باللي صاير ,,

    دخلنا غرفة المريض كان في سريره ,, ويطالع التلفزيون ,,

    اول ما لمحني مع طاقم الدكاتره حسيت في نظرته شي نغزني قلبي منه ,,

    تكلم معه ابوي عن العمليه والبلاتين اللي في رجله ,, وكان فيه جروح بسيطه في جبهته وذراعه

    ابو نواف : متى اخر مره غيرتوا الغيار للمريض

    نعمه : امس يا دكتور

    ابو نواف : الحين تغيرين له يا اخت نور وحاولي كل يوم تبدلين الغيار بالمعقم ذا واشر لي على نوع معين ,,,

    نور وهي تطالع ماجد :,, شكله وده يهزئني قدامهم ,, مدري ليش احس في نظرته كنه يشوف الموت اذا شافني ,,



    طلع بابا ومساعده وخذيت الغيار اللي في يده وابي اشيله ما حسيت الادفته بقوه بغيت اطيح على وجهي

    حاولت اتوازن في وقفتي : انت مب صاحي بالمررره

    ماجد : اظن المستشفى مليان غيرك : انتي لو عندك كرامه ما دخلتي غرفة انطردتي منها امس ,,

    حسيت بالدموع تتجمع في عيوني تركت الغيار على طرف السرير وطلعت من الغرفه
    بدون ما انظر له ما سمعت الا صوت شي يضرب في الجدار بس ما اهتميت له ابد
    فيه جرح في قلبي مدري كيف بداويه ,,,



    قلت لنعمه تعطيني اجازه بكره عندنا عشاء وفي نفس الوقت ماودي اشوفه ثاني ,, خلاص موقف عن مية موقف شكله معقد هالرجال ,,

    ما صدقت الساعات مرت وطلعت للبيت ,,,



    بعد يوم طويل دخلت الجازي غرفته وفتحت الفستان لاختها مهوي ,, كان من
    الحرير الثقيل بلون البني المحروق مع فص عند الصدر ,, هو شكله عادي يمكن
    مقلد على ماركه بس انه على اللبس مررروق ,, لبسته ثاني لمهوي ودرت فيه كم
    مره وهي تقول

    مهوي : بصراحه مو ناقص الا الفارس ياخذك على خيل بيضاء ويطير بك

    الجازي : صدق احلام مراهقين ,, مافي ذي السوالف ,, تعرفين النصيب

    مهوي : ما تشرفت بمعرفته

    الجازي : النصيب اللي الله يكتبه لك ولازم نرضى فيه ونحاول نكيف حياتنا معه
    ,, ترى الدنيا مو احلام بس ,, الدنيا وواقع لازم نعيشه ونتأقلم عليه ولو
    ما يناسبنا نصبر عشان ربي اعد للصابرين مغفرة واجر عظيم وش نطمح لاكثر من
    كذا ,, ما اانتبهت ان ابوي واقف عند الباب ::

    ابو محمد : ما شالله يا جازي ,, الله يوفقك ويسعدك ويرزقك بابن الحلال اللي
    يعرف قدرك ,, انتي جوهره غاليه وما راح اعطيها الا اللي يستاهلها ,, ضميت
    ابوي بقوووه مع اني احبه هو وامي بنفس القوو بس ابوي احسه يدخل اعماقي
    ويعرف وش في نفسي بسرعه ,,





    نمت وانا افكاري على بكره مافيه معهد بقوم الصبح ان شالله وبحاول اتجهز لعشاء نور من بدري ,,



    دخلت نور غرفتها وهي شبه متحطمه ,, هل هذا كله عقاب من الله لي والا وشو ,,
    على عكس الاسبوع اللي راح واحس نفسيتي تمام على عكس اليومين اللي راحوا
    تحطيم بالمره ,, مالي نفس للعشاء بكره بس يمكن شوفة الجازي توسع صدري,,





    اليوم الاستعدادت في قصر ابو نواف على قدم وساق من الصبح ,, تجهيز الاكلات
    والمقبلات ,, والمفارش والاكواب ,, وباقات الورد اللي توصي عليها ام نواف
    تقول يوم العيد عندها اذا جتها عزيمه ,,,

    قامت نور بكسل وشافت جوالها جايتها مكالمه من فهده ,, على طول دقت عليها ثاني وجاها صوت فهده على الخط

    فهده : ما بغيتي ذا كله نووم

    نور : اعذريني فهوده بس والله حسيت راسي ثقيل مره ,,

    فهده : اوكي العنوان يا قمر بمر على الجازي ونجيك بس وشرايك نجي الساعه كم ,,

    نور : اذا ما يخالف عليكم ابي تجون قبل العزيمه نقعد في غرفتي شوي على الاقل ناخذ راحتنا ,,

    فهده : اوكي يا قمر سي يو



    الجازي وهي تفك شعرها الناعم على كتوفها وترتب غرتها اللي نازله صف على
    حواجبها المقوسه حاولت تحط فيه رولات من ورى علشان يرتفع لخصرها لكن ما
    يميدها خمس دقايق الا هي سايحه ويطيح شعرها بثقله للظهر كم مره تحاول تروله
    بس يخونها في اخر لحظه ,, لبست الفستنان وحطت بودره خفيفه مع بلاشر
    وماسكارا ابتعدت عن المكياج الثقيل لان وجهها بساطته احلى كل شي فيه يتميز ,

    انتظرت فهد وهي متوتره واول ما وصلت دقت عليها وطلعت ,, هي عارفه ان مستوى
    فهده الاجتماعي توب , بس نور كانوا عارفين انها بنت عز بس ما كانت تتكلم
    واجد عن حياتها ,, مشينا انا وفهده وجاني اتصال من عاليه : حطي على السبيكر
    خل اكلمكم مع بعض

    فهده : واحشتني يا علويه صدق انك دبه ,,

    عاليه : تذكروا كل صغيره وكبيره عشان تعلموني اذا جيتوا اوكي

    الجازي : من عيوني ,,



    وصلنا حي راااقي والقصور ممتده في كل مكان ,, عمري ما غبطتهم عليها واقول الله يهنيهم كلن له نصيبه في هالدنيا

    وقفنا عند بوابه ضخمه حيييل ودقينا على الحارس اللي اكد لنا انه قصر الدكتور ابو نواف ,,,

    طبعا شكلنا اول الحضور دخلنا ساحة القصر وما نزلنا من السياره ,, دقيت على نور : نواري حنا تحت وينك فيه

    نور : والله جااااايه هوااء

    نور فزت وهي مع امها ونواف يتقهون : عن اذنكم جازي وفهده وصلوا

    وطلعت بسرعه

    نواف : وش يطلعون ذولا

    ام نواف : زميلاتها في المعهد طااايره بهم

    قام نواف للمدخل وعينه على باب القصر ووقف ورى فتحه الباب الجانبيه من خوفه
    على اخته تختلط مع نوعية اللي هو يعرف تطيح كل القيم اللي يعرفها ,, من
    كثر ما عرف بنات اشكال والوان قدر يميز النظيفه من الوصخه بعضهم يبون فلوس
    بس وبعضهم له اهداف ثانيه

    شاف بنتين يضمون نور بحب كبيير والفه غير عاديه وحده طويله فيهم عليها رقبه ووجه مو طبيعي كنها صوره

    اسمعها :لا يكون تأخرنا عليك

    نور : شويه صار لي ساعه احتريكم خصوصا الحريم بيجون بعد ساعه

    مالت على نور وحبتها في خدها ثاني : سامحيني انا اخرت فهده ,,

    رجعت على ورى ودخلت غرفة الطعام ,, لقيت امي عتيقه ترتب مع الشغالات المكان

    نواف : يمه تعالي ابيك شوي

    عتيقه : آمر يا ولدي وش عندك

    نواف : فيه ثنتين طلعوا مع نور فوق ابيك تعرفين وش اساميهم ومنهم منه ,, فيه وحده طويله شوي شوفي ذي اسمها وشو

    عتيقه : تآمر امر

    نواف انا انتظرك في جناحي فوق بتجهز لين تجين ,,



    دخلت نور هي والبنات لغرفتها ,, خذت عبايتهم وعلقتها وهي تصفر يوم شافت ملابسهم

    فهده لابسه فستان من فالنتينو ,, رقي لابعد درجه بللون الاحمر الصريح ,, مع ستراس ابيض على الكتف ,,

    ومسوي شعرها ويفي رووعه ,, مكياجها دخاني كثيف مرره ومعطي عيونها لمحه سحريه,,

    اما نور كانت لابسه شيفون رمادي طبقات لحد الركبه ومروله شعرها بطريقه جديده مو معتاده ,,

    ما يمديهم يدخلون الا عتيقه داخله عليهم ,,

    عتيقه : يالله حيه يالله حي ذا المزاييين ,, نور القصر ذا الليل ,,

    البنات يردون عليها بأسلوب يقرب لها قعدت شوي وهي تسالهم انتي بنت مين وانتي بنت مين لين خذت العلوم كلها ,,

    نادت ام نواف نور تبيها في شغله اطلعت وهي تاكد انها بتجيهم خلال ثواني ,,

    ضيفتهم عتيقه وارسلت على الشغلات يجيبون شاي عصير

    كانت الجازي قاعده على الكنبه تسولف مع عتيقه وفهده عند التسريحه تعدل مكياجها ,,

    الا بدخلة نواف وهو متعمد : نوووووووور

    وقف وعينه على البنت الطويله القاعده مثل الصنم اول ما شافته غمضت عينها بسرعه وهو وقف يتأملها دقيقه

    نواف وعينه ما تحركت منها : يمه وين نور

    قامت له عتيقه وهو يتراجع على برى والجازي اللي تحس انها انحرقت من الفشيله تدور شي تغطي به شعرها

    فهده ما سكه ضحكتها : جزوووي قعد يتمقل فيك كنه ما اشف خير

    مسكت يد فهده من الاحراج وهي تحط يدها على يدي : ووول ذا كله احراج يدك بااااارده مررره

    ما انتبهت الا بصوت نور وراي : سوووري بنات هذا اخوي نواف يعتذر منكم مادرى ان عندي احد ,,

    مع اني عارفه ان نواف عارفه انهم جووو بس مدري ليه سوى ذا الحركه البايخه لصديقاتي مدري وش قصده ,,



    عتيقه وهي واقفه عند مدخل القصر مع نواف : اسمها الجازي بنت ..... مع نور في المعهد ,,

    نواف يحب راسها : الله يخليك لي وطلعت وانا عندي كذا فكره مدري وشلون بحققها ,,,,

      الوقت/التاريخ الآن هو الثلاثاء سبتمبر 26, 2017 10:29 pm